شكلك قربتي اتنوري حياتي

من الصبح ياماما يا حياتي وانا عندي شوية اوجاع وعلامات بتدل اني قربت اولد..

مع اني كتيــــــــــــــــــر خايفه يا رموشتي بس كمان مبسوووووطه انك قربتي اتنوري حياتي
الله يفرحني فيكي قريب يا عمري
بابا مبسوووط كتير لسه اكتر مني بستنى فيكي على احر من الجمر..

يارب تيجي بصحه وسلامه يا راما.. مع انو على حساب الدكتوره باقيلك 26 يوم بس شكلك رح اتشرفينا قبل هيك
الله يحميكي ويحفظك ويبعد عنك كل شر ويوعدني بشوفتك وانتي احلى عروس بالدنيا كلها..

بحبك

اشتقتللك

حبيبتي راما..
باقي لموعد ولادتك 36 يوم..
قرب اليوم اللي رح احضنك فيه.. اليوم اللي رح اشوف احلى عيون بالعالم..
انا وباباتك مشتاااااقينلك كتير..
نفسي يمروا الايام بسرعه.. كل الاوجاع اللي مريت فيها واللي رح امر فيها انا متأكده اني رح انساها
اول ما افتح عيوني والاقيكي بحضني..
بحبك كتير ياراما.. كل يوم بفتح الخزانه وبطلع اواعيكي وبلعب فيهم.. نفسي خلص تيجي مشان البسك ياهم..
هاي صور اواعيكي وسريرك مشان اتضللي متذكريتهم بس تكبري